Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 5 (Sundarakāṇḍa) • Sarga 38

Sundarakāṇḍa Sarga 38

सुन्दरकाण्डम् • सर्गः 38

Sundarakāṇḍa Sarga 38 of the classical Vālmīki Rāmāyaṇa with 24 verses.

Total: 24 Verses • Citations: VR 5.38.1–24 • 175 Lexicon Terms
VR 5.38.1 अनुष्टुप्
श्रुत्वा तु वचनं तस्य वायुसूनोर्महात्मनः । उवाचात्महितं वाक्यं सीता सुरसुतोपमा ॥
śrutvā tu vacanaṃ tasya vāyusūnormahātmanaḥ | uvācātmahitaṃ vākyaṃ sītā surasutopamā ||
English Translation
Hearing the speech of the high-souled offspring of the Wind-god, Sītā resembling a daughter of the celestials, said in words fraught with her welfare.
VR 5.38.2 अनुष्टुप्
त्वां दृष्ट्वा प्रियवक्तारं संप्रहृष्यामि वानर । अर्धसंजातसस्येव वृष्टिं प्राप्य वसुंधरा ॥
tvāṃ dṛṣṭvā priyavaktāraṃ saṃprahṛṣyāmi vānara | ardhasaṃjātasasyeva vṛṣṭiṃ prāpya vasuṃdharā ||
English Translation
Even as the Earth with corn half-way towards harvest is gladdened on receipt of showers, have I, O monkey, been gladdened on seeing you that speakest sweetly.
VR 5.38.3 अनुष्टुप्
यथा तं पुरुषव्याघ्रं गात्रैः शोकाभिकर्शितैः । संस्पृशेयं सकामाहं तथा कुरु दयां मयि ॥
yathā taṃ puruṣavyāghraṃ gātraiḥ śokābhikarśitaiḥ | saṃspṛśeyaṃ sakāmāhaṃ tathā kuru dayāṃ mayi ||
English Translation
Do you so dispense your kindness to me that, with my desire attained, I may touch that tigerlike one with my body reduced by grief.
VR 5.38.4 अनुष्टुप्
अभिज्ञानं च रामस्य दत्तं हरिगणोत्तम । क्षिप्तामीषिकां काकस्य कोपादेकाक्षिशातनीम् ॥
abhijñānaṃ ca rāmasya dattaṃ harigaṇottama | kṣiptāmīṣikāṃ kākasya kopādekākṣiśātanīm ||
English Translation
O foremost of monkeys, present this sign to Rāma, and tell him also for a sign that he had in ire hurled the dart which destroyed a single eye of the crow.
VR 5.38.5 अनुष्टुप्
मनःशिलायास्तिकलो गण्डपार्श्वे निवेशितः । त्वया प्रनष्टे तिलके तं किल स्मर्तुमर्हसि ॥
manaḥśilāyāstikalo gaṇḍapārśve niveśitaḥ | tvayā pranaṣṭe tilake taṃ kila smartumarhasi ||
English Translation
And tell him also, (Sītă wishes Hanuman to use her own language to Rama) 'On my (first) tilaka having been wiped out, you didst paint beside my cheek another cheek another made of red arsenic—this you You remember.
VR 5.38.6 अनुष्टुप्
स वीर्यवान्कथं सीतां हृतां समनुमन्यसे । वसन्तीं रक्षसां मध्ये महेन्द्रवरुणोपम ॥
sa vīryavānkathaṃ sītāṃ hṛtāṃ samanumanyase | vasantīṃ rakṣasāṃ madhye mahendravaruṇopama ||
English Translation
Why, O you endowed with prowess, resembling Indra the Great or Varuņa, do you disregard the ravished Sītā, sitting in the midst of Raksasa?
VR 5.38.7 अनुष्टुप्
एष चूडामणिर्दिव्यो मया सुपरिरक्षितः । एतं दृष्ट्वा प्रहृष्यामि व्यसने त्वामिवानघ ॥
eṣa cūḍāmaṇirdivyo mayā suparirakṣitaḥ | etaṃ dṛṣṭvā prahṛṣyāmi vyasane tvāmivānagha ||
English Translation
This jewel for the head I had preserved with care. In my misfortune, O sinless one, I used to inspire cheerfulness by a sight a sight of this, resembling yourself.
VR 5.38.8 अनुष्टुप्
एष निर्यातितः श्रीमान्मया ते वारिसंभवः । अतः परं न शक्ष्यामि जीवितुं शोकलालसा ॥
eṣa niryātitaḥ śrīmānmayā te vārisaṃbhavaḥ | ataḥ paraṃ na śakṣyāmi jīvituṃ śokalālasā ||
English Translation
This graceful water-sprung (gem) I part from. Hereafter, overwhelmed with grief, I shall not be able to live.
VR 5.38.9 अनुष्टुप्
असह्यानि च दुःखानि वाचश्च हृदयच्छिदः । राक्षसीनां सुघोराणां त्वत्कृते मर्षयाम्यहम् ॥
asahyāni ca duḥkhāni vācaśca hṛdayacchidaḥ | rākṣasīnāṃ sughorāṇāṃ tvatkṛte marṣayāmyaham ||
English Translation
For you only do I bear insufferable miseries, heart-cleaving speech, and companionship with Raksasas.
VR 5.38.10 अनुष्टुप्
धारयिष्यामि मासं तु जीवितं शत्रुसूदन । मासादूर्ध्वं न जीविष्ये त्वया हीना नृपात्मज ॥
dhārayiṣyāmi māsaṃ tu jīvitaṃ śatrusūdana | māsādūrdhvaṃ na jīviṣye tvayā hīnā nṛpātmaja ||
English Translation
O destroyer of enemies, for a month longer will I maintain being. Beyond that, О king's son, bereft of you, I will not live.
VR 5.38.11 अनुष्टुप्
घोरो राक्षसराजोऽयं दृष्टिश्च न सुखा मयि । त्वां च श्रुत्वा विपद्यन्तं न जीवेयमहं क्षणम् ॥
ghoro rākṣasarājo'yaṃ dṛṣṭiśca na sukhā mayi | tvāṃ ca śrutvā vipadyantaṃ na jīveyamahaṃ kṣaṇam ||
English Translation
This Raksasa king is dreadful. (This being so), if I hear you tarrying, I would not live for a moment.
VR 5.38.12 अनुष्टुप्
वैदेह्या वचनं श्रुत्वा करुणं साश्रुभाषितम् । अथाब्रवीन्महातेजा हनुमान्मारुतात्मजः ॥
vaidehyā vacanaṃ śrutvā karuṇaṃ sāśrubhāṣitam | athābravīnmahātejā hanumānmārutātmajaḥ ||
English Translation
Hearing Vaidehī's piteous words uttered with tearful eyes, that leader of monkey-bands, the exceedingly energetic Hanumān, said,
VR 5.38.13 अनुष्टुप्
त्वच्छोकविमुखो रामो देवि सत्येन ते शपे । रामे शोकाभिभूते तु लक्ष्मणः परितप्यते ॥
tvacchokavimukho rāmo devi satyena te śape | rāme śokābhibhūte tu lakṣmaṇaḥ paritapyate ||
English Translation
O exalted one, I swear by truth, Rāma turn away he countenance (from every work) in consequence of grief for you. And Rāma being seized with sorrow, Laksmana burns in grief.
VR 5.38.14 अनुष्टुप्
दृष्टा कथंचिद्भवती न कालः परिशोचितुम् । इमं मुहूर्तं दुःखानामन्तं द्रक्ष्यसि भामिनि ॥
dṛṣṭā kathaṃcidbhavatī na kālaḥ pariśocitum | imaṃ muhūrtaṃ duḥkhānāmantaṃ drakṣyasi bhāmini ||
English Translation
Now that I have been able to obtain a sight of you, this is not season for sorrow. O auspicious one, even now you shall witness the end of this woe.
VR 5.38.15 अनुष्टुप्
तावुभौ पुरुषव्याघ्रौ राजपुत्रावनिन्दितौ । त्वद्दर्शनकृतोत्साहौ लङ्कां भस्मीकरिष्यतः ॥
tāvubhau puruṣavyāghrau rājaputrāvaninditau | tvaddarśanakṛtotsāhau laṅkāṃ bhasmīkariṣyataḥ ||
English Translation
Filled with hope from my sight of you, those foremost of persons, those mighty princes, shall reduce the worlds to ashes.
VR 5.38.16 अनुष्टुप्
हत्वा तु समरे क्रूरं रावणं सह बान्धवम् । राघवौ त्वां विशालाक्षि स्वां पुरीं प्रापयिष्यतः ॥
hatvā tu samare krūraṃ rāvaṇaṃ saha bāndhavam | rāghavau tvāṃ viśālākṣi svāṃ purīṃ prāpayiṣyataḥ ||
English Translation
And, O you of expansive eyes, slaying in battle the wicked Rāvana with his allies, Rághava shall take you back to his palace.
VR 5.38.17 अनुष्टुप्
यत्तु रामो विजानीयादभिज्ञानमनिन्दिते । प्रीतिसंजननं तस्य भूयस्त्वं दातुमर्हसि ॥
yattu rāmo vijānīyādabhijñānamanindite | prītisaṃjananaṃ tasya bhūyastvaṃ dātumarhasi ||
English Translation
Now, O faultless lady, you ought to give me such a sign as Rāma shall certainly recognise, and as shall more please him by far.
VR 5.38.18 उपजातिः
साब्रवीद्दत्तमेवेह मयाभिज्ञानमुत्तमम् । एतदेव हि रामस्य दृष्ट्वा मत्केशभूषणम् । श्रद्धेयं हनुमन्वाक्यं तव वीर भविष्यति ॥
sābravīddattameveha mayābhijñānamuttamam | etadeva hi rāmasya dṛṣṭvā matkeśabhūṣaṇam | śraddheyaṃ hanumanvākyaṃ tava vīra bhaviṣyati ||
English Translation
“Ah!” (answered Sītā), "I have already furnished you with an excellent sign. This ornament, . Hanuman, when carefully examined by Rāma, O hero, shall render your words credible."
VR 5.38.19 अनुष्टुप्
स तं मणिवरं गृह्य श्रीमान्प्लवगसत्तमः । प्रणम्य शिरसा देवीं गमनायोपचक्रमे ॥
sa taṃ maṇivaraṃ gṛhya śrīmānplavagasattamaḥ | praṇamya śirasā devīṃ gamanāyopacakrame ||
English Translation
Thereupon, taking that best of gems, that graceful foremost of monkeys, bowing down the head to that exalted one, prepared to depart.
VR 5.38.20 उपजातिः
तमुत्पातकृतोत्साहमवेक्ष्य हरिपुंगवम् । वर्धमानं महावेगमुवाच जनकात्मजा । अश्रुपूर्णमुखी दीना बाष्पगद्गदया गिरा ॥
tamutpātakṛtotsāhamavekṣya haripuṃgavam | vardhamānaṃ mahāvegamuvāca janakātmajā | aśrupūrṇamukhī dīnā bāṣpagadgadayā girā ||
English Translation
Seeing that monkey-leader intent upon leaping up, and surcharged with energy, with his person enlarged, Janaka's daughter, with a tearful countenance, spake in woe-begone guise, her accents choked with the vapour of grief,
VR 5.38.21 अनुष्टुप्
हनूमन्सिंहसंकाशौ भ्रातरौ रामलक्ष्मणौ । सुग्रीवं च सहामात्यं सर्वान्ब्रूया अनामयम् ॥
hanūmansiṃhasaṃkāśau bhrātarau rāmalakṣmaṇau | sugrīvaṃ ca sahāmātyaṃ sarvānbrūyā anāmayam ||
English Translation
O Hanumān, communicate tidings of my good health to those lion-like brothers, Rāma and Laksmana, to' Sugriva along with his counsellors, and to all (the monkeys).
VR 5.38.22 अनुष्टुप्
यथा च स महाबाहुर्मां तारयति राघवः । अस्माद्दुःखाम्बुसंरोधात्तत्समाधातुमर्हसि ॥
yathā ca sa mahābāhurmāṃ tārayati rāghavaḥ | asmādduḥkhāmbusaṃrodhāttatsamādhātumarhasi ||
English Translation
And it behove you to strive so that the mighty-armed Rāghava may rescues me from this sea of sorrow.
VR 5.38.23 उपजातिः
इमं च तीव्रं मम शोकवेगं; रक्षोभिरेभिः परिभर्त्सनं च । ब्रूयास्तु रामस्य गतः समीपं; शिवश्च तेऽध्वास्तु हरिप्रवीर ॥
imaṃ ca tīvraṃ mama śokavegaṃ; rakṣobhirebhiḥ paribhartsanaṃ ca | brūyāstu rāmasya gataḥ samīpaṃ; śivaśca te'dhvāstu haripravīra ||
English Translation
Do you narrate to Rāma this my terrible sorrow and the affliction by the she-demons. May good betide you, on your way, O foremost of the monkeys.'
VR 5.38.24 उपेन्द्रवज्रा
स राजपुत्र्या प्रतिवेदितार्थः; कपिः कृतार्थः परिहृष्टचेताः । तदल्पशेषं प्रसमीक्ष्य कार्यं; दिशं ह्युदीचीं मनसा जगाम ॥
sa rājaputryā prativeditārthaḥ; kapiḥ kṛtārthaḥ parihṛṣṭacetāḥ | tadalpaśeṣaṃ prasamīkṣya kāryaṃ; diśaṃ hyudīcīṃ manasā jagāma ||
English Translation
Thus furnished with the intentions of the princess, the monkey, having gained his object, and, growing exceedingly exhilarated in his heart, reviewed the small work that yet remained for him, became bent upon proceeding to the north.
← Previous (Ch. 361) Full Table of Contents Next (Ch. 363) →