Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 36

Ayodhyākāṇḍa Sarga 36

अयोध्याकाण्डम् • सर्गः 36

Ayodhyākāṇḍa Sarga 36 of the classical Vālmīki Rāmāyaṇa with 17 verses.

Total: 17 Verses • Citations: VR 2.36.1–17 • 175 Lexicon Terms
VR 2.36.1 अनुष्टुप्
तस्मिंस्तु पुरुषव्याघ्रे निष्क्रामति कृताञ्जलौ । आर्तशब्दो हि संजज्ञे स्त्रीणामन्तःपुरे महान् ॥
tasmiṃstu puruṣavyāghre niṣkrāmati kṛtāñjalau | ārtaśabdo hi saṃjajñe strīṇāmantaḥpure mahān ||
English Translation
When the tiger among men (Rama) was coming out with folded palms, there arose a huge cry of distress among the ladies of the harem:
VR 2.36.2 अनुष्टुप्
अनाथस्य जनस्यास्य दुर्बलस्य तपस्विनः । यो गतिं शरणं चासीत्स नाथः क्व नु गच्छति ॥
anāthasya janasyāsya durbalasya tapasvinaḥ | yo gatiṃ śaraṇaṃ cāsītsa nāthaḥ kva nu gacchati ||
English Translation
Rama was a refuge and a protector to all the people who were defenceless, weak and miserable. Where is such a protector going now? (said the people).
VR 2.36.3 अनुष्टुप्
न क्रुध्यत्यभिशस्तोऽपि क्रोधनीयानि वर्जयन् । क्रुद्धान्प्रसादयन्सर्वान्समदुःखः क्व गच्छति ॥
na krudhyatyabhiśasto'pi krodhanīyāni varjayan | kruddhānprasādayansarvānsamaduḥkhaḥ kva gacchati ||
English Translation
Rama who used to avoid deeds that caused anger, pacified those who were angry with him, and never lost his cool even when cursed, that Rama is going on exile today.
VR 2.36.4 अनुष्टुप्
कौसल्यायां महातेजा यथा मातरि वर्तते । तथा यो वर्ततेऽस्मासु महात्मा क्व नु गच्छति ॥
kausalyāyāṃ mahātejā yathā mātari vartate | tathā yo vartate'smāsu mahātmā kva nu gacchati ||
English Translation
Rama conducted himself towards us in the same way as he did towards his mother Kausalya right from the begining.
VR 2.36.5 अनुष्टुप्
कैकेय्या क्लिश्यमानेन राज्ञा संचोदितो वनम् । परित्राता जनस्यास्य जगतः क्व नु गच्छति ॥
kaikeyyā kliśyamānena rājñā saṃcodito vanam | paritrātā janasyāsya jagataḥ kva nu gacchati ||
English Translation
Tormented by Kaikeyi, the king ordered him to go to the forest. Where is he, who happened to be the protector of the people of this world, going now?
VR 2.36.6 अनुष्टुप्
अहो निश्चेतनो राजा जीवलोकस्य संप्रियम् । धर्म्यं सत्यव्रतं रामं वनवासो प्रवत्स्यति ॥
aho niścetano rājā jīvalokasya saṃpriyam | dharmyaṃ satyavrataṃ rāmaṃ vanavāso pravatsyati ||
English Translation
Alas, the king must be devoid of any sense as he is sending away Rama, who is dear to the world, is righteous and truthful, to dwell in the forest.
VR 2.36.7 अनुष्टुप्
इति सर्वा महिष्यस्ता विवत्सा इव धेनवः । रुरुदुश्चैव दुःखार्ताः सस्वरं च विचुक्रुशुः ॥
iti sarvā mahiṣyastā vivatsā iva dhenavaḥ | ruruduścaiva duḥkhārtāḥ sasvaraṃ ca vicukruśuḥ ||
English Translation
Thus all the queens like calfless cows cried loudly blaming their husband.
VR 2.36.8 अनुष्टुप्
स तमन्तःपुरे घोरमार्तशब्दं महीपतिः । पुत्रशोकाभिसंतप्तः श्रुत्वा चासीत्सुदुःखितः ॥
sa tamantaḥpure ghoramārtaśabdaṃ mahīpatiḥ | putraśokābhisaṃtaptaḥ śrutvā cāsītsuduḥkhitaḥ ||
English Translation
Tormented with grief on account of his son, the king sank in his seat on hearing the cries of distress from the inner apartment
VR 2.36.9 अनुष्टुप्
नाग्निहोत्राण्यहूयन्त सूर्यश्चान्तरधीयत । व्यसृजन्कवलान्नागा गावो वत्सान्न पाययन् ॥
nāgnihotrāṇyahūyanta sūryaścāntaradhīyata | vyasṛjankavalānnāgā gāvo vatsānna pāyayan ||
VR 2.36.10 अनुष्टुप्
त्रिशङ्कुर्लोहिताङ्गश्च बृहस्पतिबुधावपि । दारुणाः सोममभ्येत्य ग्रहाः सर्वे व्यवस्थिताः ॥
triśaṅkurlohitāṅgaśca bṛhaspatibudhāvapi | dāruṇāḥ somamabhyetya grahāḥ sarve vyavasthitāḥ ||
English Translation
The constellation Trishanku, the planets Mars, Jupiter, Mercury and other fierce planets took their position near the Moon.
VR 2.36.11 अनुष्टुप्
नक्षत्राणि गतार्चींषि ग्रहाश्च गततेजसः । विशाखाश्च सधूमाश्च नभसि प्रचकाशिरे ॥
nakṣatrāṇi gatārcīṃṣi grahāśca gatatejasaḥ | viśākhāśca sadhūmāśca nabhasi pracakāśire ||
English Translation
The stars were shorn of their radiance. The brilliance of the planets diminished. Shrouded in smoke the Visakha constellation appeared in the sky.
VR 2.36.12 अनुष्टुप्
अकस्मान्नागरः सर्वो जनो दैन्यमुपागमत् । आहारे वा विहारे वा न कश्चिदकरोन्मनः ॥
akasmānnāgaraḥ sarvo jano dainyamupāgamat | āhāre vā vihāre vā na kaścidakaronmanaḥ ||
English Translation
All of a sudden the people of the city became miserable. No one was interested in eating and enjoying (life).
VR 2.36.13 अनुष्टुप्
बाष्पपर्याकुलमुखो राजमार्गगतो जनः । न हृष्टो लक्ष्यते कश्चित्सर्वः शोकपरायणः ॥
bāṣpaparyākulamukho rājamārgagato janaḥ | na hṛṣṭo lakṣyate kaścitsarvaḥ śokaparāyaṇaḥ ||
English Translation
The faces of the people on the highway were turbid with tears. None looked happy. All were plunged in sorrow.
VR 2.36.14 अनुष्टुप्
न वाति पवनः शीतो न शशी सौम्यदर्शनः । न सूर्यस्तपते लोकं सर्वं पर्याकुलं जगत् ॥
na vāti pavanaḥ śīto na śaśī saumyadarśanaḥ | na sūryastapate lokaṃ sarvaṃ paryākulaṃ jagat ||
English Translation
The breeze did not blow cool. No more did the Moon look pleasant. The Sun did not give warmth to the world. All the world was agitated.
VR 2.36.15 अनुष्टुप्
अनर्थिनः सुताः स्त्रीणां भर्तारो भ्रातरस्तथा । सर्वे सर्वं परित्यज्य राममेवान्वचिन्तयन् ॥
anarthinaḥ sutāḥ strīṇāṃ bhartāro bhrātarastathā | sarve sarvaṃ parityajya rāmamevānvacintayan ||
English Translation
Mothers stopped thinking of their sons and husbands of their wives. Brothers were no longer interested in each other. Every one deserted every one and thought only of Rama.
VR 2.36.16 अनुष्टुप्
ये तु रामस्य सुहृदः सर्वे ते मूढचेतसः । शोकभारेण चाक्रान्ताः शयनं न जुहुस्तदा ॥
ye tu rāmasya suhṛdaḥ sarve te mūḍhacetasaḥ | śokabhāreṇa cākrāntāḥ śayanaṃ na juhustadā ||
English Translation
All the friends of Rama were stupefied. Afflicted with the burden of sorrow they did not leave their bed.
VR 2.36.17 वंशस्थम्
ततस्त्वयोध्या रहिता महात्मना; पुरंदरेणेव मही सपर्वता । चचाल घोरं भयभारपीडिता; सनागयोधाश्वगणा ननाद च ॥
tatastvayodhyā rahitā mahātmanā; puraṃdareṇeva mahī saparvatā | cacāla ghoraṃ bhayabhārapīḍitā; sanāgayodhāśvagaṇā nanāda ca ||
English Translation
Without magnanimous Rama, Ayodhya thereafter looked like the earth along with its mountains bereft of Indra. Afflicted with fear and sorrow it started shaking dreadfully with the sounds of horses, elephants and warriors. इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे एकचत्वारिंशस्सर्गः॥Thus ends the fortyfirst sarga of Ayodhyakanda of the holy Ramayana, the first epic composed by sage Valmiki.
← Previous (Ch. 111) Full Table of Contents Next (Ch. 113) →