Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 5 (Sundarakāṇḍa) • Sarga 30

Sundarakāṇḍa Sarga 30

सुन्दरकाण्डम् • सर्गः 30

Sundarakāṇḍa Sarga 30 of the classical Vālmīki Rāmāyaṇa with 8 verses.

Total: 8 Verses • Citations: VR 5.30.1–8 • 175 Lexicon Terms
VR 5.30.1 अनुष्टुप्
ततः शाखान्तरे लीनं दृष्ट्वा चलितमानसा । सा ददर्श कपिं तत्र प्रश्रितं प्रियवादिनम् ॥
tataḥ śākhāntare līnaṃ dṛṣṭvā calitamānasā | sā dadarśa kapiṃ tatra praśritaṃ priyavādinam ||
English Translation
And beholding that tawny-coloured monkey like to a mass of lightnings and wearing a white cloth, hidden on the tree Sītā's mind was greatly agitated. And she saw there the humble, sweetspeeched monkey, appearing graceful like to a collection of full-blown Asoka flowers and having eyes resembling burning gold.
VR 5.30.2 अनुष्टुप्
सा तु दृष्ट्वा हरिश्रेष्ठं विनीतवदुपस्थितम् । मैथिली चिन्तयामास स्वप्नोऽयमिति भामिनी ॥
sā tu dṛṣṭvā hariśreṣṭhaṃ vinītavadupasthitam | maithilī cintayāmāsa svapno'yamiti bhāminī ||
English Translation
And observing that foremost of the monkeys, sitting humbly, that daughter of the king of Mithilā, again greatly amazed, thought.
VR 5.30.3 उपजातिः
सा तं समीक्ष्यैव भृशं विसंज्ञा; गतासुकल्पेव बभूव सीता । चिरेण संज्ञां प्रतिलभ्य चैव; विचिन्तयामास विशालनेत्रा ॥
sā taṃ samīkṣyaiva bhṛśaṃ visaṃjñā; gatāsukalpeva babhūva sītā | cireṇa saṃjñāṃ pratilabhya caiva; vicintayāmāsa viśālanetrā ||
English Translation
And beholding him Sītā was almost out of breath with fear. And regaining soon her sense the large-eyed damsel again thought.
VR 5.30.4 उपजातिः
स्वप्नो मयायं विकृतोऽद्य दृष्टः; शाखामृगः शास्त्रगणैर्निषिद्धः । स्वस्त्यस्तु रामाय सलक्ष्मणाय; तथा पितुर्मे जनकस्य राज्ञः ॥
svapno mayāyaṃ vikṛto'dya dṛṣṭaḥ; śākhāmṛgaḥ śāstragaṇairniṣiddhaḥ | svastyastu rāmāya salakṣmaṇāya; tathā piturme janakasya rājñaḥ ||
English Translation
I have seen a very inauspicious dream to-dayto see a monkey in a dream is reckoned inauspicious by the sages. May good betide Rāma, Lakşmaņa and my Sire the king of Janaka.
VR 5.30.5 उपजातिः
स्वप्नोऽपि नायं न हि मेऽस्ति निद्रा; शोकेन दुःखेन च पीडितायाः । सुखं हि मे नास्ति यतोऽस्मि हीना; तेनेन्दुपूर्णप्रतिमाननेन ॥
svapno'pi nāyaṃ na hi me'sti nidrā; śokena duḥkhena ca pīḍitāyāḥ | sukhaṃ hi me nāsti yato'smi hīnā; tenendupūrṇapratimānanena ||
English Translation
It is not dream, I have not slept, worn with grief and trouble as I am. Apart form my lord having the countenance of the full-moon, I have no happiness.
VR 5.30.6 उपजातिः
अहं हि तस्याद्य मनो भवेन; संपीडिता तद्गतसर्वभावा । विचिन्तयन्ती सततं तमेव; तथैव पश्यामि तथा शृणोमि ॥
ahaṃ hi tasyādya mano bhavena; saṃpīḍitā tadgatasarvabhāvā | vicintayantī satataṃ tameva; tathaiva paśyāmi tathā śṛṇomi ||
English Translation
And therefore his form appearing in my mind is distressing me to-day, who am entirely sunk in his thoughts. And thinking of him always I see him before me and hear his words.
VR 5.30.7 उपजातिः
मनोरथः स्यादिति चिन्तयामि; तथापि बुद्ध्या च वितर्कयामि । किं कारणं तस्य हि नास्ति रूपं; सुव्यक्तरूपश्च वदत्ययं माम् ॥
manorathaḥ syāditi cintayāmi; tathāpi buddhyā ca vitarkayāmi | kiṃ kāraṇaṃ tasya hi nāsti rūpaṃ; suvyaktarūpaśca vadatyayaṃ mām ||
English Translation
Methinks this is but a phantom of the mind. And thinking this I still behold the same. But an imaginary object can never have a form. And I still find a distinct form addressing me.
VR 5.30.8 वंशस्थम्
नमोऽस्तु वाचस्पतये सवज्रिणे; स्वयम्भुवे चैव हुताशनाय । अनेन चोक्तं यदिदं ममाग्रतो; वनौकसा तच्च तथास्तु नान्यथा ॥
namo'stu vācaspataye savajriṇe; svayambhuve caiva hutāśanāya | anena coktaṃ yadidaṃ mamāgrato; vanaukasā tacca tathāstu nānyathā ||
English Translation
Be glory to Vācaspati, Indra, the self existent Brahmā, the lord of fire and may they so grant that the creature who has spoken before me, be real and not imaginary.
← Previous (Ch. 353) Full Table of Contents Next (Ch. 355) →