Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 6 (Yuddhakāṇḍa) • Sarga 1

Yuddhakāṇḍa Sarga 1

युद्धकाण्डम् • सर्गः 1

Yuddhakāṇḍa Sarga 1 of the classical Vālmīki Rāmāyaṇa with 16 verses.

Total: 16 Verses • Citations: VR 6.1.1–16 • 175 Lexicon Terms
VR 6.1.1 अनुष्टुप्
श्रुत्वा हनुमतो वाक्यं यथावदभिभाषितम् । रामः प्रीतिसमायुक्तो वाक्यमुत्तरमब्रवीत् ॥
śrutvā hanumato vākyaṃ yathāvadabhibhāṣitam | rāmaḥ prītisamāyukto vākyamuttaramabravīt ||
English Translation
Hearing the words of Hanumän rehearsed properly, Rāma, exceedingly delighted, said.
VR 6.1.2 अनुष्टुप्
कृतं हनुमता कार्यं सुमहद्भुवि दुष्करम् । मनसापि यदन्येन न शक्यं धरणीतले ॥
kṛtaṃ hanumatā kāryaṃ sumahadbhuvi duṣkaram | manasāpi yadanyena na śakyaṃ dharaṇītale ||
English Translation
By Hanumān has been performed a very great deed, rare on earth, and one incapable of being even conceived by any other in the world.
VR 6.1.3 अनुष्टुप्
न हि तं परिपश्यामि यस्तरेत महार्णवम् । अन्यत्र गरुणाद्वायोरन्यत्र च हनूमतः ॥
na hi taṃ paripaśyāmi yastareta mahārṇavam | anyatra garuṇādvāyoranyatra ca hanūmataḥ ||
English Translation
Save Garuda and the Wind-god, and save also Hanumān, him find I not who cross the wide ocean.
VR 6.1.4 अनुष्टुप्
देवदानवयक्षाणां गन्धर्वोरगरक्षसाम् । अप्रधृष्यां पुरीं लङ्कां रावणेन सुरक्षिताम् ॥
devadānavayakṣāṇāṃ gandharvoragarakṣasām | apradhṛṣyāṃ purīṃ laṅkāṃ rāvaṇena surakṣitām ||
English Translation
Entering by main force the city of Larkā, incapable of being subjugated by the gods and Dänavas and Yaksas, the Gandharvas, serpents or Raksasas, and well protected by Ravana, who, living, come out (of it)?
VR 6.1.5 उपजातिः
प्रविष्टः सत्त्वमाश्रित्य जीवन्को नाम निष्क्रमेत् । को विशेत्सुदुराधर्षां राक्षसैश्च सुरक्षिताम् । यो वीर्यबलसंपन्नो न समः स्याद्धनूमतः ॥
praviṣṭaḥ sattvamāśritya jīvanko nāma niṣkramet | ko viśetsudurādharṣāṃ rākṣasaiśca surakṣitām | yo vīryabalasaṃpanno na samaḥ syāddhanūmataḥ ||
English Translation
Who that is not the compeer of Hanuman in strength and prowess, even enters into (Lankā) hard to subdue, and carefully guarded by the Raksasas?
VR 6.1.6 अनुष्टुप्
भृत्यकार्यं हनुमता सुग्रीवस्य कृतं महत् । एवं विधाय स्वबलं सदृशं विक्रमस्य च ॥
bhṛtyakāryaṃ hanumatā sugrīvasya kṛtaṃ mahat | evaṃ vidhāya svabalaṃ sadṛśaṃ vikramasya ca ||
English Translation
Having put forth his strength commensurate with his prowess, Hanuman has also performed a great act befitting a servant on behold of Sugriva.* SO *Having seen Sītā, which was all that he had been commissioned to do by Sugrīva, Hanumān has destroyed Räkşasas and burnt Lankā; and this he did of himself like a good servant.
VR 6.1.7 अनुष्टुप्
यो हि भृत्यो नियुक्तः सन्भर्त्रा कर्मणि दुष्करे । कुर्यात्तदनुरागेण तमाहुः पुरुषोत्तमम् ॥
yo hi bhṛtyo niyuktaḥ sanbhartrā karmaṇi duṣkare | kuryāttadanurāgeṇa tamāhuḥ puruṣottamam ||
English Translation
That servant who, being entrusted with a hard task, after having accomplished it, do another work in pursuance of (the prescribed business), is the best of men.
VR 6.1.8 अनुष्टुप्
नियुक्तो नृपतेः कार्यं न कुर्याद्यः समाहितः । भृत्यो युक्तः समर्थश्च तमाहुः पुरुषाधमम् ॥
niyukto nṛpateḥ kāryaṃ na kuryādyaḥ samāhitaḥ | bhṛtyo yuktaḥ samarthaśca tamāhuḥ puruṣādhamam ||
English Translation
That servant who, entrusted with any work of the king do not, although competent, heedfully accomplish the same, has been called the worst.
VR 6.1.9 अनुष्टुप्
तन्नियोगे नियुक्तेन कृतं कृत्यं हनूमता । न चात्मा लघुतां नीतः सुग्रीवश्चापि तोषितः ॥
tanniyoge niyuktena kṛtaṃ kṛtyaṃ hanūmatā | na cātmā laghutāṃ nītaḥ sugrīvaścāpi toṣitaḥ ||
English Translation
Anent the order (which he had received), Hanuman has done the work (and more). He has not been humbled,* and, further, he has pleased Sugriva. *By the Raksasas.
VR 6.1.10 अनुष्टुप्
अहं च रघुवंशश्च लक्ष्मणश्च महाबलः । वैदेह्या दर्शनेनाद्य धर्मतः परिरक्षिताः ॥
ahaṃ ca raghuvaṃśaśca lakṣmaṇaśca mahābalaḥ | vaidehyā darśanenādya dharmataḥ parirakṣitāḥ ||
English Translation
And by seeing Vaidehī, (Hanumān) has, while reaping righteousness, saved me, the Raghu race, and the highly powerful Lakşmaņa.
VR 6.1.11 अनुष्टुप्
इदं तु मम दीनस्या मनो भूयः प्रकर्षति । यदिहास्य प्रियाख्यातुर्न कुर्मि सदृशं प्रियम् ॥
idaṃ tu mama dīnasyā mano bhūyaḥ prakarṣati | yadihāsya priyākhyāturna kurmi sadṛśaṃ priyam ||
English Translation
This pain my mind sore, that I cannot do a like benefit, returning this dear office of his.
VR 6.1.12 अनुष्टुप्
एष सर्वस्वभूतस्तु परिष्वङ्गो हनूमतः । मया कालमिमं प्राप्य दत्तस्तस्य महात्मनः ॥
eṣa sarvasvabhūtastu pariṣvaṅgo hanūmataḥ | mayā kālamimaṃ prāpya dattastasya mahātmanaḥ ||
English Translation
Embrace express the all (of the Deicy),* and, finding this occasion, I extend my embrace to the high-souled Hanumān. *The commentator explains this obscure passage after his own orthodox fashion. The gist is this. Delight is the essence of the Deity, and all His incarnations body forth this. Embrace is typical of this emotion.
VR 6.1.13 अनुष्टुप्
सर्वथा सुकृतं तावत्सीतायाः परिमार्गणम् । सागरं तु समासाद्य पुनर्नष्टं मनो मम ॥
sarvathā sukṛtaṃ tāvatsītāyāḥ parimārgaṇam | sāgaraṃ tu samāsādya punarnaṣṭaṃ mano mama ||
English Translation
Complete success has been attained anent the search of Sītā. But when I think of the ocean, my mind is again sunk in dejection.
VR 6.1.14 अनुष्टुप्
कथं नाम समुद्रस्य दुष्पारस्य महाम्भसः । हरयो दक्षिणं पारं गमिष्यन्ति समाहिताः ॥
kathaṃ nāma samudrasya duṣpārasya mahāmbhasaḥ | harayo dakṣiṇaṃ pāraṃ gamiṣyanti samāhitāḥ ||
English Translation
How can the assembled monkeys go over to the southern shore of the vastly deep, difficult to cross?
VR 6.1.15 अनुष्टुप्
यद्यप्येष तु वृत्तान्तो वैदेह्या गदितो मम । समुद्रपारगमने हरीणां किमिवोत्तरम् ॥
yadyapyeṣa tu vṛttānto vaidehyā gadito mama | samudrapāragamane harīṇāṃ kimivottaram ||
English Translation
This tidings you have related to me touching Vaidehī; but what are the monkeys to do next avout crossing the sea?
VR 6.1.16 अनुष्टुप्
इत्युक्त्वा शोकसंभ्रान्तो रामः शत्रुनिबर्हणः । हनूमन्तं महाबाहुस्ततो ध्यानमुपागमत् ॥
ityuktvā śokasaṃbhrānto rāmaḥ śatrunibarhaṇaḥ | hanūmantaṃ mahābāhustato dhyānamupāgamat ||
English Translation
Having said this to Hanumān, that slayer of foes, the mighty-armed Rāma, agitated by anxiety, was then plunged in thought.
← Previous (Ch. 390) Full Table of Contents Next (Ch. 392) →