Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 6 (Yuddhakāṇḍa) • Sarga 30

Yuddhakāṇḍa Sarga 30

युद्धकाण्डम् • सर्गः 30

Yuddhakāṇḍa Sarga 30 of the classical Vālmīki Rāmāyaṇa with 26 verses.

Total: 26 Verses • Citations: VR 6.30.1–26 • 175 Lexicon Terms
VR 6.30.1 अनुष्टुप्
तां रात्रिमुषितास्तत्र सुवेले हरिपुंगवाः । लङ्कायां ददृशुर्वीरा वनान्युपवनानि च ॥
tāṃ rātrimuṣitāstatra suvele haripuṃgavāḥ | laṅkāyāṃ dadṛśurvīrā vanānyupavanāni ca ||
English Translation
Having passed the night in Suvela, the heroic monkey-leaders surveyed woods and forests in Lankā.
VR 6.30.2 अनुष्टुप्
समसौम्यानि रम्याणि विशालान्यायतानि च । दृष्टिरम्याणि ते दृष्ट्वा बभूवुर्जातविस्मयाः ॥
samasaumyāni ramyāṇi viśālānyāyatāni ca | dṛṣṭiramyāṇi te dṛṣṭvā babhūvurjātavismayāḥ ||
English Translation
Seeing those extensive (woods and forests), mild, and charming, and beautiful to behold, they were seized with wonderment.
VR 6.30.3 अनुष्टुप्
चम्पकाशोकपुंनागसालतालसमाकुला । तमालवनसंछन्ना नागमालासमावृता ॥
campakāśokapuṃnāgasālatālasamākulā | tamālavanasaṃchannā nāgamālāsamāvṛtā ||
VR 6.30.4 अनुष्टुप्
हिन्तालैरर्जुनैर्नीपैः सप्तपर्णैश्च पुष्पितैः । तिलकैः कर्णिकारैश्च पटालैश्च समन्ततः ॥
hintālairarjunairnīpaiḥ saptaparṇaiśca puṣpitaiḥ | tilakaiḥ karṇikāraiśca paṭālaiśca samantataḥ ||
VR 6.30.5 अनुष्टुप्
शुशुभे पुष्पिताग्रैश्च लतापरिगतैर्द्रुमैः । लङ्का बहुविधैर्दिव्यैर्यथेन्द्रस्यामरावती ॥
śuśubhe puṣpitāgraiśca latāparigatairdrumaiḥ | laṅkā bahuvidhairdivyairyathendrasyāmarāvatī ||
VR 6.30.6 अनुष्टुप्
विचित्रकुसुमोपेतै रक्तकोमलपल्लवैः । शाद्वलैश्च तथा नीलैश्चित्राभिर्वनराजिभिः ॥
vicitrakusumopetai raktakomalapallavaiḥ | śādvalaiśca tathā nīlaiścitrābhirvanarājibhiḥ ||
English Translation
And trees there, furnished with variegated flowers having tender rosy leaves, and blue lawns, and rows of woods; and bearing odorous and charming blossoms and fruits, looked like men adorned with ornaments.
VR 6.30.7 अनुष्टुप्
गन्धाढ्यान्यभिरम्याणि पुष्पाणि च फलानि च । धारयन्त्यगमास्तत्र भूषणानीव मानवाः ॥
gandhāḍhyānyabhiramyāṇi puṣpāṇi ca phalāni ca | dhārayantyagamāstatra bhūṣaṇānīva mānavāḥ ||
English Translation
And trees there, furnished with variegated flowers having tender rosy leaves, and blue lawns, and rows of woods; and bearing odorous and charming blossoms and fruits, looked like men adorned with ornaments.
VR 6.30.8 अनुष्टुप्
तच्चैत्ररथसंकाशं मनोज्ञं नन्दनोपमम् । वनं सर्वर्तुकं रम्यं शुशुभे षट्पदायुतम् ॥
taccaitrarathasaṃkāśaṃ manojñaṃ nandanopamam | vanaṃ sarvartukaṃ ramyaṃ śuśubhe ṣaṭpadāyutam ||
English Translation
There a delightful and pleasant wood resembling Caitraratha, and like to Nandana itself, having all the seasons present, appeared beauteous to the view, with black bees all around.
VR 6.30.9 अनुष्टुप्
नत्यूहकोयष्टिभकैर्नृत्यमानैश्च बर्हिभिः । रुतं परभृतानां च शुश्रुवे वननिर्झरे ॥
natyūhakoyaṣṭibhakairnṛtyamānaiśca barhibhiḥ | rutaṃ parabhṛtānāṃ ca śuśruve vananirjhare ||
English Translation
And it had Dātyühas, and Koyașthivas, and peacocks dancing; and the strains of the coels were heard at the woodland rills.
VR 6.30.10 अनुष्टुप्
नित्यमत्तविहंगानि भ्रमराचरितानि च । कोकिलाकुलषण्डानि विहगाभिरुतानि च ॥
nityamattavihaṃgāni bhramarācaritāni ca | kokilākulaṣaṇḍāni vihagābhirutāni ca ||
English Translation
Behold the intoxicated birds, and the black bees blending (with the blossoms). And the blessed breeze sway the trees vocal with the coels.
VR 6.30.11 अनुष्टुप्
भृङ्गराजाभिगीतानि भ्रमरैः सेवितानि च । कोणालकविघुष्टानि सारसाभिरुतानि च ॥
bhṛṅgarājābhigītāni bhramaraiḥ sevitāni ca | koṇālakavighuṣṭāni sārasābhirutāni ca ||
VR 6.30.12 अनुष्टुप्
विविशुस्ते ततस्तानि वनान्युपवनानि च । हृष्टाः प्रमुदिता वीरा हरयः कामरूपिणः ॥
viviśuste tatastāni vanānyupavanāni ca | hṛṣṭāḥ pramuditā vīrā harayaḥ kāmarūpiṇaḥ ||
VR 6.30.13 अनुष्टुप्
तेषां प्रविशतां तत्र वानराणां महौजसाम् । पुष्पसंसर्गसुरभिर्ववौ घ्राणसुखोऽनिलः ॥
teṣāṃ praviśatāṃ tatra vānarāṇāṃ mahaujasām | puṣpasaṃsargasurabhirvavau ghrāṇasukho'nilaḥ ||
English Translation
Then the Vanaras of extraordinary energy, were enjoying the breeze redolent with the fragrance of flowers as they were entering, and the wind blew.
VR 6.30.14 अनुष्टुप्
अन्ये तु हरिवीराणां यूथान्निष्क्रम्य यूथपाः । सुग्रीवेणाभ्यनुज्ञाता लङ्कां जग्मुः पताकिनीम् ॥
anye tu harivīrāṇāṃ yūthānniṣkramya yūthapāḥ | sugrīveṇābhyanujñātā laṅkāṃ jagmuḥ patākinīm ||
English Translation
Some other monkey heroes permitted by Sugriva went to Lanka decorated with flags.
VR 6.30.15 अनुष्टुप्
वित्रासयन्तो विहगांस्त्रासयन्तो मृगद्विपान् । कम्पयन्तश्च तां लङ्कां नादैः स्वैर्नदतां वराः ॥
vitrāsayanto vihagāṃstrāsayanto mṛgadvipān | kampayantaśca tāṃ laṅkāṃ nādaiḥ svairnadatāṃ varāḥ ||
English Translation
And, terrifying the fowls and dispiriting beasts and birds and shaking Lankā with their roars, those foremost monkeys set up shouts.
VR 6.30.16 अनुष्टुप्
कुर्वन्तस्ते महावेगा महीं चारणपीडिताम् । रजश्च सहसैवोर्ध्वं जगाम चरणोद्धतम् ॥
kurvantaste mahāvegā mahīṃ cāraṇapīḍitām | rajaśca sahasaivordhvaṃ jagāma caraṇoddhatam ||
English Translation
They, endowed with great impetuosity, went on, oppressing the earth with their battle-array; and clouds of dust suddenly arose from the march of the soldiery.
VR 6.30.17 अनुष्टुप्
ऋक्षाः सिंहा वराहाश्च महिषा वारणा मृगाः । तेन शब्देन वित्रस्ता जग्मुर्भीता दिशो दश ॥
ṛkṣāḥ siṃhā varāhāśca mahiṣā vāraṇā mṛgāḥ | tena śabdena vitrastā jagmurbhītā diśo daśa ||
English Translation
And bears, and lions, and buffaloes, and elephants, and deer, and birds, overwhelmed with affright, made for the t en cardinal points.
VR 6.30.18 अनुष्टुप्
शिखरं तु त्रिकूटस्य प्रांशु चैकं दिविस्पृशम् । समन्तात्पुष्पसंछन्नं महारजतसंनिभम् ॥
śikharaṃ tu trikūṭasya prāṃśu caikaṃ divispṛśam | samantātpuṣpasaṃchannaṃ mahārajatasaṃnibham ||
VR 6.30.19 अनुष्टुप्
शतयोजनविस्तीर्णं विमलं चारुदर्शनम् । श्लक्ष्णं श्रीमन्महच्चैव दुष्प्रापं शकुनैरपि ॥
śatayojanavistīrṇaṃ vimalaṃ cārudarśanam | ślakṣṇaṃ śrīmanmahaccaiva duṣprāpaṃ śakunairapi ||
English Translation
Trikuta peak was fully covered with flowers, sparkled with gold, spread over a hundred yojanas, beautiful to look at, splendid and smooth. It is difficult even for birds to reach, for sages even in thought and difficult to access by any physical action. It is praiseworthy as if touching the sky alone.
VR 6.30.20 अनुष्टुप्
मनसापि दुरारोहं किं पुनः कर्मणा जनैः । निविष्टा तत्र शिखरे लङ्का रावणपालिता ॥
manasāpi durārohaṃ kiṃ punaḥ karmaṇā janaiḥ | niviṣṭā tatra śikhare laṅkā rāvaṇapālitā ||
VR 6.30.21 अनुष्टुप्
सा पुरी गोपुरैरुच्चैः पाण्डुराम्बुदसंनिभैः । काञ्चनेन च सालेन राजतेन च शोभिता ॥
sā purī gopurairuccaiḥ pāṇḍurāmbudasaṃnibhaiḥ | kāñcanena ca sālena rājatena ca śobhitā ||
English Translation
The city of Lanka looked charming with tall towers resembling white cluster of clouds fortified with gold and silver.
VR 6.30.22 अनुष्टुप्
प्रासादैश्च विमानैश्च लङ्का परमभूषिता । घनैरिवातपापाये मध्यमं वैष्णवं पदम् ॥
prāsādaiśca vimānaiśca laṅkā paramabhūṣitā | ghanairivātapāpāye madhyamaṃ vaiṣṇavaṃ padam ||
English Translation
The tall buildings decorated beautifully resembled air planes and were shining like heavy rainy clouds exposed to the sun. The building in the centre resembled the abode of Vishnu.
VR 6.30.23 अनुष्टुप्
यस्यां स्तम्भसहस्रेण प्रासादः समलंकृतः । कैलासशिखराकारो दृश्यते खमिवोल्लिखन् ॥
yasyāṃ stambhasahasreṇa prāsādaḥ samalaṃkṛtaḥ | kailāsaśikharākāro dṛśyate khamivollikhan ||
English Translation
That palace, which was adorned with thousands of pillars, and which, as if piercing the heavens, looked like a peak of Kailasa—was the residence of the Sovereign of the Rākşasas—the ornament of the city, (ever guarded by full hundreds of Raksasas.
VR 6.30.24 अनुष्टुप्
चैत्यः स राक्षसेन्द्रस्य बभूव पुरभूषणम् । शतेन रक्षसां नित्यं यः समग्रेण रक्ष्यते ॥
caityaḥ sa rākṣasendrasya babhūva purabhūṣaṇam | śatena rakṣasāṃ nityaṃ yaḥ samagreṇa rakṣyate ||
English Translation
That palace, which was adorned with thousands of pillars, and which, as if piercing the heavens, looked like a peak of Kailasa—was the residence of the Sovereign of the Rākşasas—the ornament of the city, (ever guarded by full hundreds of Raksasas.
VR 6.30.25 अनुष्टुप्
तां समृद्धां समृद्धार्थो लक्ष्मीवाँल्लक्ष्मणाग्रजः । रावणस्य पुरीं रामो ददर्श सह वानरैः ॥
tāṃ samṛddhāṃ samṛddhārtho lakṣmīvām̐llakṣmaṇāgrajaḥ | rāvaṇasya purīṃ rāmo dadarśa saha vānaraiḥ ||
VR 6.30.26 उपजातिः
तां रत्नपूर्णां बहुसंविधानां; प्रासादमालाभिरलंकृतां च । पुरीं महायन्त्रकवाटमुख्यां; ददर्श रामो महता बलेन ॥
tāṃ ratnapūrṇāṃ bahusaṃvidhānāṃ; prāsādamālābhiralaṃkṛtāṃ ca | purīṃ mahāyantrakavāṭamukhyāṃ; dadarśa rāmo mahatā balena ||
English Translation
Rāma, surrounded by his mighty forces, saw that palace, filled with diverse kinds of gems, adorned with rows of edifices, and having huge engines and gateways.
← Previous (Ch. 419) Full Table of Contents Next (Ch. 421) →