Abstract
<jats:p>Ushbu maqolada zamonaviy tilshunoslikning dolzarb yo‘nalishlaridan biri – sud-lingvistik ekspertizasida obro‘sizlantirish (diskreditatsiya) va haqorat tushunchalarining lingvistik tabiatini tadqiq etish masalalari ko‘rib chiqiladi. Maqolada shaxsning sha’ni, qadr-qimmati va ishchanlik obro‘sini himoya qilish bilan bog‘liq huquqbuzarliklarni baholashda lingvistik mezonlarning o‘rni tahlil qilingan. Tadqiqot davomida haqorat va obro‘sizlantirish tushunchalarining semantik va pragmatik chegaralari, xalqaro huquq amaliyotidagi mezonlar (jumladan, “Sallivan testi”) hamda ekspertiza jarayonida fakt va shaxsiy mulohazani farqlash tamoyillari yoritib berilgan. Mualliflar obro‘sizlantirishni alohida nutqiy strategiya sifatida tahlil qilib, uning sud-lingvistik ekspertiza obyekti sifatidagi o‘ziga xos xususiyatlarini dalillaydi.</jats:p>