Abstract
<jats:p>Мақолада маъмурий-ҳуқуқий низонинг предмети ва уни аниқлашда маъмурий актлар ҳамда маъмурий ҳаракат (ҳаракатсизлик)нинг ўрни таҳлил қилинган. Маъмурий акт ва ҳаракат маъмурий органлар ваколатини амалга ошириш воситаси сифатида кўриб чиқилиб, уларнинг ҳуқуқий табиати, мазмуни ва хусусиятлари илмий нуқтаи назардан ёритилган. Мақолада, шунингдек, турли ҳуқуқий тизимларда маъмурий акт тушунчасининг концептуал ривожланиши ва унинг функционал ҳамда органик ёндашувлари қиёсий таҳлил қилинган. Шунингдек, тадқиқотда маъмурий-ҳуқуқий низонинг предметини кенг маънода талқин қилиш, уни шахснинг субъектив оммавий ҳуқуқлари ва манфаатларининг амалга оширилиши, қонунийлиги ҳамда асослилиги юзасидан юзага келадиган ҳуқуқий баҳс сифатида тушуниш зарурлиги асослаб берилган. Натижада маъмурий-ҳуқуқий низонинг предметига муаллифлик ёндашуви ишлаб чиқилган ва унинг мазмун-моҳияти аниқлаштирилган.</jats:p>