Abstract
<jats:p>Ushbu maqolada xizmat koʻrsatuvchi subyektlar (servis korxonalari) raqobatbardoshligini belgilovchi omillar tizimi konseptual va empirik yondashuvlar asosida aniqlanadi hamda raqobatbardoshlik xizmat sifati, qiymat taklifi, mijoz tajribasi, brend kapitali va tezkorlik (responsiveness/speed) indikatorlari integratsiyasi orqali baholash metodologiyasi taklif etiladi. Tadqiqot nazariy asos sifatida xizmat-dominant mantiq, xizmat foyda zanjiri (service-profit chain), resurslarga asoslangan yondashuv va brend kapitali konsepsiyalariga tayanadi. Amaliy qismda oʻlchashning operatsion modeli ishlab chiqilib, indikatorlar boʻyicha soʻrovnoma (Likert shkalasi), operatsion maʼlumotlar (kutish vaqti, yetkazib berish vaqti, javob berish tezligi), shuningdek bozor natijalariga yaqin proksi koʻrsatkichlar (qayta xarid niyati, tavsiya ehtimoli) bir tizimga birlashtiriladi. Natijalar boʻlimida omillar tizimi (makro–mezo–mikro), indikatorlar matritsasi, indeks hisoblash algoritmi, hamda PLS-SEM (yoki SEM) yondashuviga mos namunaviy natijalar jadvallar va rasmlar orqali taqdim etiladi. Yakunda xizmat korxonalari uchun raqobatbardoshlikni oshirishda qaysi “haydovchi omillar” (drivers) ustuvorligi va ularni oʻlchashning shaffof, takrorlanadigan (replicable) protokoli boʻyicha amaliy tavsiyalar beriladi.</jats:p>